TPA – El Club Musical

El pasau domingu 14 de xunetu, a les 23:30 hores, la televisión pública asturiana, TPA, va estrenar el programa El Club Musical, dirixíu y presentáu por Xune Elipe. Esti espaciu nuevu quier valir d’escaparate y apoyu a la bayurosa escena sonora asturiana, asina, pelos trece capítulos que tien esta primer temporada van pasar bandes y solistes que representen estilos y tendencies estremaes dientro d’ella.
La formación protagonista nesta primer entrega d’El Club Musical, grabada na Sala Club del Centru Niemeyer, van ser los xixoneses Blues & Decker, que col so primer discu, tituláu Stealin’ the blues (publicáu nel 2012), ganaron el Premiu AMAS al Meyor Discu de Rock na última edición d’estos gallardones. Nel programa van interpretar en directo dellos de los temes incluíos nesi álbum. Amás va ufiertase una entrevista colos sos componentes onde faen repasu a la so trayectoria, referentes, influencies, el blues como estilu musical y los sos derivaos o perspectives de futuru.
Otra manera, van comentase tamién dos publicaciones que tienen al blues como protagonista, concretamente los cómics Bluesman y El sueño de Meteor Slim. Por últimu, toles selmanes, va zarrase’l programa con una Axenda de Conciertos nos que van publicitase dellos de los eventos destacables.
El Club Musical va emitise a lo llargo del branu selmanalmente tolos domingos, a partir de les 23:30 hores (amás de la so redifusión pela RPA los xueves a les 00:00 hores), y ye’l primer programa d’estes característiques na TPA.
http://www.rtpa.es/video:El%20Club%20Musical_551373890264.html

Blues&Decker ® 2019 - Aviso Legal

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies